蔡少芬（Ada）、黎姿和鍾麗淇等，昨日在無綫電視城為新劇《黑夜彩虹》試造型，戴上假髮梳孖辮的Ada，造型充滿青春活力。
Ada早前跟吳奇隆分手，問她是否一直寄情工作，她說：「我好多拖友，好似有洪欣、Flora（陳慧珊）同朱茵，一啲都唔孤單，而且我大把人追，我如果話冇人追會好冇面。」
Ada將在新劇中再跟吳啟華合作，她說：「我哋好有默契，合作亦好開心。」對於跟馬浚偉合作的無綫新劇《洛神》臨時被抽起，Ada說：「可惜一定有，但公司會安排喺適當時候播，我買咗呢套劇嘅正版VCD睇，覺得幾好，有朋友睇咗話好感動。」
此外，黎姿在《黑》劇中演行政人員，她昨日穿上恤衫，由於她的上圍突出，因此有「迫爆」鈕扣的情況出現。黎姿說：「我個角色好惡，演時會控制情緒，盡量調節，好彩我𠵱家冇男友。」
採訪：卓寶花 攝影：羅德光