朱茵昨日往尖沙嘴出席「朱茵和你的纖體約會」記者會時，透露現時三圍是34B、23及33，除了胸部尺寸不變，腰部及下圍皆纖瘦了。她又表示自己喜歡健康式的性感，堅拒拍露點寫真。
朱茵為「修身堂」任代言人，昨日她與老闆娘張玉珊齊往尖沙嘴金域假日酒店，出席「朱茵和你的纖體約會」記者會。朱茵一身健康膚色，身穿露背裙示人。
朱茵表示體重現為九十二磅，三圍是34B、23及33，她表示經纖體收身後，腰圍減了三吋，而下圍亦細了兩吋，她說：「雖然好多人都話我fit，但我身形上亦有缺點，好似近排興着低腰褲，我又學人着埋一份，不知不覺間，條腰粗咗亦唔覺。另外下圍由於我坐得太多，patpat變咗形都唔知，不過，𠵱家個patpat結實咗，重細咗㖭。」
問朱茵為何纖體後，驕人上圍34B維持不變？她笑說：「個胸大係冇用，最緊要結實有彈力。」問朱茵收身成功後，男友黃貫中有否讚美她，她笑說：「有呀，佢話我真係瘦過以前喎。」
「修身堂」最新一輯廣告找來朱茵、安雅、蒙嘉慧和何超儀到泰國拍廣告照，外傳朱茵的酬勞最高，收三百萬，並稱在泰國之行，朱茵獲專人服侍的優待，對此「修身堂」老闆娘張玉珊說：「朱茵的確係幾個女仔之中收得最貴嘅，係有七位數字，我覺得佢絕對值呢個價。另外話佢有專人服侍，其實個個女星都有專人服侍，我哋唔會厚此薄彼嘅。」