葉璇早前因拍戲吊威吔弄傷腰部，近日舊患復發，被迫辭演無綫新劇《打更急先鋒》，現正接受治療。日前她往試穴位按摩，希望雙管齊下，能加快康復。
葉璇早前接拍無綫劇集《雲海玉弓緣》，因要拍鬥場面及吊威吔的戲份，以致弄傷腰部。她日前舊患復發，被迫辭演新劇《打更急先鋒》，公司馬上安排楊怡頂替。
葉璇為治腰患，已接受西醫的物理治療，但伊人為了可盡快康復，也嘗試穴位按摩。她日前到苑瓊丹在尖沙嘴金馬倫廣場經營的「扶元堂」做穴位按摩，希望可以紓緩腰患的痛楚。她躺在床上由按摩師枝姐為她按摩，按摩接近一小時後，她說：「我覺得疼痛嘅部位舒服咗好多，可能真係有幫助。」
葉璇往做按摩時，手中抱着咕𠱸，葉璇說：「因為我怕腰痛，所以拎住個咕𠱸，可以去到邊挨到邊。個咕𠱸係我個fans送㗎，佢哋好有我心，知我腰痛重送咗好多按摩器畀我。」
問葉璇現在可需要食消炎藥治腰痛？她說：「醫生要我食藥，同埋教我做一啲簡單運動鬆筋骨。其實，醫生同我照過X光，佢話我條腰骨好直，同正常彎彎哋嘅唔同，而且我成日拍動作戲，肌肉受到勞損，需要多休息。」自腰患後，她的起居受到一定影響，她說：「我唔可以坐得太耐，瞓喺度係最舒服嘅。」那她可擔心將來會影響生育，葉璇說：「冇咁快，我都未諗呢個問題，應該冇事啩。」
此外，葉璇表示早前傷腰往醫院診治，醫生見到她胸部有瘀痕，但不知是因吊威吔弄瘀，便問她是否遭人虐待，令她大感尷尬。
採訪：比華利 攝影：羅德光