近年新興的網上交易，商機依然蓬勃，視乎你是否懂得把握機會。最近有位從事網上拍賣生意的eBayer，撰書詳列如何入行及竅門。再看兩位過來人教路，發現原來這類新一代自僱人士，早已賺得盤滿缽滿。
記者：朱文俊 攝影：林栢鈞
本身涉獵網上買賣接近六年的Raymond，可說看盡了eBay的興衰變化。「喺香港差不多所有在網上搵食的人，都由eBay開始，只要你登記成為會員，擺件貨上去，就由香港到美國、印度到巴西都會有客。初初自己有間細舖，上去eBay主要搵吓貨，後尾又試吓將啲貨放上去賣，點知愈賣愈好，就變咗全職投入，但係後來發覺eBay規限愈來愈多，如唔准落店舖名稱，又唔准Hyperlink（網站連線），收費又貴，於是我就同一個讀設計嘅大學生，一齊開設咗個網站，eBay變咗用嚟做宣傳。𠵱家我哋只要寫一個HTML嘅page（網頁），就可以任放資料相片上去，方便得多。」
其實經過幾年變化，eBay已由單純拍賣網站，開始轉變為網上店舖，Raymond睇通了這個市場趨勢。「自從喺eBay認識咗網上買賣生意後，我哋亦都對本地市場發生興趣，於是我哋就諗多啲方法宣傳自己，如喺網站go2hk上面「鋪」上自己產品，接觸多咗，𠵱家我哋重做埋佢哋其中一個取貨點。當我哋搭通go2hk專做東南亞客，同埋eBay專做外國客後，好多人都會信我哋，叫我哋代佢去Bid嘢，但後來發覺愈來愈多人買日本貨，半年前就開始玩埋日本雅虎（Yahoo!JAPAN），𠵱家八成生意都係靠佢，講前景應該係Yahoo!JAPAN唔係eBay，所以𠵱家寫緊一個程式，方便我哋啲客上去揀貨及登記，然後，我哋幫佢Bid。遲啲可以話係坐喺度等收錢。」
網址：
查詢電話：28826850
地址：銅鑼灣糖街3號1601室
大約六、七年前開始，由朋友介紹上eBay玩的Simon，對於現在eBay有另一番見解：「最初冇乜香港人知道有eBay呢樣嘢，我自己都係上去買嘢多，後來知道好多人PartTime做eBayer，而且收入唔錯，而當時我又有朋友喺日本讀書，於是就叫佢買啲日本特別貨品擺上網賣，效果好好，同時我哋發覺，原來好多香港客都有呢個需要，於是我哋索性自己搞個網站，唔使畀人賺手續費，最後更加開埋舖頭，𠵱家淨係做熟客就已經夠，但為咗擴闊客路，我哋喺自己網站搞個叫cBay拍賣項目，每個月一號，都拍賣一件貨，底價由一元起，呢個可以話係eBay畀我嘅啟示，我希望自己可以發展出另一個成功網上模式。」
網址：
查詢電話：23761176
據一本坊間最新出版名為《FULLTIMEEBAYER》的書所講，香港人從事網上買賣已有一段頗長時間，由於最初大家都是在eBay網頁上開始認識及學習買賣，所以他們便稱這一類以網上買賣為工作的人做eBayer。
據一本坊間最新出版名為《FULLTIMEEBAYER》的書所講，香港人從事網上買賣已有一段頗長時間，由於最初大家都是在eBay網頁上開始認識及學習買賣，所以他們便稱這一類以網上買賣為工作的人做eBayer。
據出版商OldSkool&Company負責人所講，他們之所以成為eBayer，以及出版了這本書，主要原因係想將個人心得與大家，特別是失業人士分享。「以前我哋三個拍檔，大家都有份收入唔錯嘅工，但當香港經濟步入低潮，我哋都首當其衝做咗犧牲品，為咗維持生活，就將以前買落啲玩具放上網賣套現，點知第一個月就已經賺咗兩、三萬元，於是我哋幾個就夾份開咗間公司，專做上網Bid嘢，後來更加識咗一班靠上網搵食為生後生仔，佢哋共通點係英文好，反應快，識得搵每個新網站着數。呢本書亦希望做到教人入門Bid嘢，唔好因為無咗份工就要生要死，網上重大把世界啦！」
旺角兆萬中心HotToys
查詢電話：23884677
eBayer代號：ivshc
掛牌年份：2001年6月
強項：專賣跳樓波鞋及名牌手袋
手法：將本地滯銷或跳樓貨波鞋，擺上網賣給美國人，原因部份鞋款只在亞洲發售，香港雖然滯銷，但卻吸引到外國買家，近年亦以同樣手法，搜羅名牌手袋特別版上網賣，單是四月份已有282宗成交。
收入：四月份成交額約10萬元，波鞋及手袋約賺取兩至三成，平均收入$25,000。
eBayer代號：kukanfong
掛牌年份：1999年2月
強項：專賣可口可樂產品
手法：眼見香港可樂熱潮減退，但世界其他地方的可樂產品依然受歡迎，便將手頭貨品擺上網，單是四月份約有395宗買賣。
收入：四月份成交額約$16,000，由於可樂產品利潤較低，約賺取兩成，平均收入$3,300。但據知她本人在旺角設有門市，上網是其中一門收入來源。
eBayer代號：pinkku
掛牌年份：2001年1月
強項：專賣日韓時裝
手法：將日、韓名牌時裝貨尾放上網賣，純利達四至五成。四月份買賣約156宗。
收入：四月份成交額約$17,000。由於時裝利潤可達五成，估計收入約$8,400。