比拼車場：<br>萬事得Mazdo62.3鬥凌志IS200

比拼車場：
萬事得Mazdo62.3鬥凌志IS200

近期，城中熱門話題，不少圍繞着凌志IS200嘅地位，會否受到快將抵港嘅萬事得Mazda6所衝擊；而早前我哋曾經響意大利實地報道過，Mazda62.0型號實戰表現。
然而，另一部高性能版本嘅Mazda62.3型號，性能可謂更勝一籌；以其包裝、車廂鋪排同性能演繹，更可媲美IS200嘅Premium版本㖭！究竟兩者有甚麼過人之處呢？今日就等我哋逐一揭露啦！

特約記者、攝影：張以中



Mazda6鋪排動靜皆宜
然而，在於鋪排而言，IS200表現出一分崇尚跑車個性，車廂表板陳設，滲透有一分剛勁美。
相比下，新款Mazda6可謂動靜兼備，既予人有時代節拍嘅活力感，又不失房跑車嘅好動一面，照顧所及嘅層面，看來廣泛得多。



Mazda62.3偈動力無限
輸港嘅IS200Premium，傳動配搭為一套4前速自動波，另輔有Sport模式，匹配2.0公升直6偈，前、中段表現一般，但響引擎高轉下卻見異常有勁，跟本身VVT-i結構不無關係。而另一邊廂嘅Mazda6，會否引入5前速自動波仍未定案，惟呢部Mazda6一台2.3公升直4偈匹配5前速手波，每段表現均見動力充沛，尤其中、後段倍見有勁度來。雖然IS200以FR傳動鋪排，帶來有高駕駛樂趣，惟以容易操作又見成為效益為大前提下，Mazda6嘅FF布置卻見可取得多。



萬事得Mazda62.3規格 引擎： 2261cc直4DOHC 馬力： 171ps/6500rpm 扭力： 21.1kgm/4000rpm 傳動： 5前速手波，前輪驅動 懸掛： （前）雙搖臂（後）多連桿 制動： （前）透氣碟（後）碟式（ABS） 輪胎： 215/45ZR17 尺碼： 4670×1958×1435mm 軸距： 2675mm 車重： 1400kg起 新車售價： 約港幣20萬 查詢： 萬事得汽車（24813363）

記者試後簡評 優點： 除造型吸引富房跑氣息外，穩紮車架結構更具歐洲車風範；一台2.3公升直4偈輸出強勁富韌力，匹配5前速手波，引擎發揮更見淋漓盡致。 缺點： 新車造型未能盡如人意，顧及市場需要仍留有點轎車筆觸，新車車廂陳設，亦見以傳統轎車鋪排為主導，稍欠一分個人風格。

IS200車廂用料勝一籌
綜觀兩車嘅包裝，由於各自涉及嘅層面不同，好難評定話邊個較突出；惟以車廂內裏嘅陳設；明顯IS200部Premium版猶勝一籌，皆因原廠高級皮椅鑲嵌，而前排重係採用仿桶形布局，從而更見支持力呢！



IS200追加設備有瞄頭
講到設備方面，兩者可謂不相伯仲，惟Mazda6至今輸港版仍未有定案，但同級對手嘅IS200，除標準化嘅四門電窗、門邊電鏡及電天窗外，重有高級音響連恒溫冷氣，加埋泊車感應同六個安全氣袋外，近期重追加有半皮半桃木軚環，以及中控台同門壁手枕嘅桃木裝飾選擇，看似有多一分先聲奪人之勢噃！



凌志IS200Premium規格 引擎： 1988cc直6DOHC 馬力： 155ps/6200rpm 扭力： 19.9kgm/4600rpm 傳動： 4前速自動波，後輪驅動 懸掛： （前）雙搖臂（後）雙搖臂 制動： （前）透氣碟（後）碟式（ABS） 輪胎： 215/45ZR17 尺碼： 4400×1725×1420mm 軸距： 2670mm 車重： 1400kg起 新車售價： $269,000 車輛提供： 皇冠汽車（25119430）

記者試後簡評 優點： 造型時尚富High-tech感外，重好有一分房跑車個性；車廂陳設有品味之餘，亦透現出一分房跑車嘅剛勁美。 缺點： 推出經已有一段日子，予人有點看膩嘅感覺；而獨得一台2.0公升引擎作主打，否則跳級至3.0公升型號，稍欠選擇性。