講到皮鞋，大家應該會即刻諗起李國寶，立法會嘅同僚當然亦大談呢件事。
八方同一個好鍾意睇波嘅白鴿黨議員傾開，對於寶哥哥為乜事喺間酒店房門口除咗對鞋，呢位兄台就好有高見咁話，寶哥哥好可能係留低對皮鞋等人擦。何出此言？兄台話自己睇過一本書，講但凡富豪入住嘅酒店，究竟有啲乜嘢矜貴服務咁巴閉。
黨友兄台舉例話，有一間酒店嘅套房，入面有一個放鞋用嘅玻璃櫃，個櫃另一邊有個窿，咁啲職員就可以攞到對鞋去擦嘞。只可惜寶哥哥入住嗰間法國酒店套房就冇嗰種服務，否則佢就唔使搞到咁尷尬。
雖然個個八得好過癮，但評論人家私事始終唔多好，難怪八方班同事搵議員問反應時，有些人都唔知點答好。
E-mail：