繼自行辭職嘅林和立、被裁嘅DannyGittings之後，《南早》最新嘅開刀對象，就係經常揭露大陸敏感新聞嘅駐京記者JasperBecker，無可避免又惹來政治自我審查疑雲。噚日《華爾街日報》出咗一篇名為《失去一把正直聲音》的評論文章，極力稱讚JasperBecker「無懼報道令人不快的真相」。
不過，雖然《華爾街日報》認為《南早》有關大陸嘅大膽踩界報道真係少咗之外，重話香港嘅中文傳媒更大鑊，皆因《南早》老闆郭鶴年雖然同大陸有千絲萬縷嘅生意關係，但有國際壓力「關注」，點都要做好台戲。本地傳媒老闆將商業利益置於編輯自主之上，令到一啲中文傳媒自我審查嘅問題更嚴重。
講講吓，《華爾街日報》無端端申報利益，話自己都有從呢一片混亂中間接得益，因為《南早》前編輯DannyGittings被裁之後，就加入咗佢哋嘅大家庭。唔通《華爾街日報》想請埋JasperBecker助陣？
E-mail：