小孩子見到媽媽下廚，炮製一款又一款餸菜，好多時都有興趣做小廚師，但媽媽覺得他們是「搞破壞」，廚房亂七八糟，又水又火好危險。事實上，廚師是一種着重合作及創意的工作，過程中更能訓練小孩怎樣處理危機問題，從煮食練EQ，自己炮製美麗人生。適逢由5月5日開始，在旺角利苑美食廣場內隔星期日舉辦免費「小廚師工作坊」，而頭炮會是學拉麫！
記者：梁佩芬
攝影：周旭文
美食廣場日日都人來人往，當然做生意最緊要，點解重要在周日開闢空間舉辦「小廚師工作坊」？
利苑酒家集團董事長楊步衢表示，有日他路過發現小孩非常喜歡透過玻璃櫥窗，看師傅們示範拉麫及做Pizza，忽發奇想在周末於美食廣場內舉辦工作坊，場地可容納超過20名小孩參加，又有現職專業師傅教授，加上場內有不同國家美食超過600款食物，一個星期教兩種都幾年先做完。暫時，工作坊參加者是6-12歲，如反應良好，會加插親子班，讓年紀小的朋友能與父母一起參與，歡度周日。
做小廚師要訣
小廚師工作坊以兩人為一組，可以相約朋友一起參加，又可到場與其他小孩組隊。場內美食製造多是拉麫、Pizza，要拉又要撻，兩人一組可互相幫助。
拉麫實錄：
李宜善師傅是從北京來港的拉麫師傅，有20多年經驗，做拉麫的重要技巧是「撻」，如果麫粉不撻到起筋，就很難拉。
最後，小孩多由師傅幫助下，才拉到一兩條麫出來。其實，在拉麫過程中，是不斷考驗小孩如何自己解決問題，當麫粉不能拉出時，應如何補救呢？有時，拉極都斷，耐性及脾氣有限就不開心，如何從失敗中吸取經驗呢？這些都能在遊戲過程中慢慢研究出來。
除了玩拉麫外，還有Pizza工作坊，看他們做了甚麼出來？
人樣Pizza
常富傑（右）王雋軒（左）分工合作做人樣
「我哋到場先知，做之前互相研究怎樣做，因為大家都是第一次玩，所以有好多意見，最後覺得做人樣最得意，一個負責做Pizza皮一個攞餡料，分工合作先做得好！」
合力做錢包
林文莉（左）胡世璟（右）
「呢個Pizza叫做雜錦錢包，唔同食物代表不同單位，菠蘿係$1000、火腿係$500、番茄係$100，我哋想要好多好多錢，可以買嘢食同買玩具，所以將心願做出嚟。」
鍾意整嘢食
劉希慧 11歲
「平時喺屋企都有整嘢食，好似包餃子及壽司。今日我拉麫不成功，因為撻麫粉會好大聲，我好驚，係咁意撻兩下就算，搞到麫粉不貼身，完全拉唔到。」
家長意見：煮食練信心
胡太：
「有時間都會同囝囝一齊下廚，但安全至上以無火煮食為主，好似做啫喱、三文治，細路仔模仿力強，一教就識，令佢有滿足感，加強自信心。」
拉麫工作坊詳情
年齡：6?2歲，男女均可。
時間：由5/5開始，隔星期日，上午11點。
人數：20人
地點：旺角彌敦道639號旺角雅蘭酒店利苑美食廣場
報名電話：28613021，楊小姐