嘉禾最近為減少開支，除結束蝕本部門，又減薪和減少製作。相反劉德華卻注資千萬入杜琪峰的銀河電影，實行大展拳腳。而銀河正申請在創業板上市，華仔可望成為上市公司老闆。
劉德華（華仔）的天幕電影公司兩年多前得到中建電訊支持，有一連串開戲大計，更計劃上市。但自去年開始，雙方關係起了變化，華仔轉而以天幕名義入股由杜琪峰做大股東的銀河電影公司，注資千萬，成為第二大股東。銀河去年約賺千多萬，而杜琪峰亦一直為銀河申請上市做好準備。
據悉銀河可望於下月中在本港創業板上市，預計集資五至八千萬，作為公司的營運開支，銀河今後有杜琪峰和華仔兩位賣座保證坐鎮，將以製作電影和電視劇為主，而韋家輝亦會主力協助杜琪峰主管電視劇的製作。
華仔與杜琪峰今年準備大展拳腳，但嘉禾剛巧相反，截至去年底，嘉禾半年內蝕了約二千四百萬，為減低經營成本，除了結束唱片部外，原本附屬嘉禾、並由李萬祺負責的公關公司Image，隨住兩年合約屆滿，嘉禾亦無意再經營此公司。為進一步減少開支，嘉禾有部份員工需要減薪，至於製作部方面，原定由梁詠琪及古天樂主演、馬楚成執導的《星願》續集將會擱置。
昨日嘉禾宣傳部發言人杜惠東在電話中說：「由呢個月開始，二萬蚊人工以上嘅員工的確係要接受減薪，幅度係十至二十個百分比。最近公司唔搞唱片部同Image公司，估計可以減少約十位員工嘅薪水開支。」
杜惠東續道：「至於製作部唔會話完全唔開戲，《星願》續集係因為成本貴，公司計過條數，唔想冒太大風險，所以先會暫時唔開拍，不過谷德昭部賀歲片冇受影響，𠵱家開始物色模特兒演呢一部戲。」