潮流取向適者生存，可會是近年香港車市嘅一個寫照；就正如日本三菱車廠，經歷咗早前一段低潮後，近排代理似乎改變咗舊有一貫市場策略；向以喺四驅越野車界有好口碑嘅Pajero，亦改配一台3.0公升V6引擎，並且將車價調低至30萬，果然有唔錯嘅市場反應。而據亞Mark最近打探得知，由於早前另一款PajeroiO，用上一台1.8公升Turbo偈大收旺場嘅關係，遲吓代理又會響Airtrek車系當中，引入埋配備同一台1.8公升GDITurbo偈嘅新型號，實行以時下流行嘅RV，加上高性能引擎配搭作招徠嘛！若然車價定位吸引的話，難保呢款高性能Airtrek，可異軍突起開拓出新空間呢！