金管局精心炮製的年報又亮相，今年主題設計標榜「金屬感覺」(metallicfeel)，隱喻該局掌領金融決策作風務實，例如要聞摘錄以「啞鈴」代表穩固的銀行體系，又以「錨」比喻固若金湯的七點八貨幣滙率，任總的總裁報告，也加插三張黑白照，營造該局處變不驚的冷靜形象。
記得去年該局年報以「雀鳥」為主題，大sell環保概念，封面有「七又大半隻雀仔」在維港上空飛翔，暗喻七點八聯滙，同今年個「錨」各有千秋。
今年年報另一特色是標榜互動功能，如封面的外滙基金諮詢委員會成員大合照，讀者上網觀看，只要把滑鼠輕觸各人的圖像，螢幕屏即彈出各人名字，頗有心思。講開又講，該會成員個個都係大忙人，一係賓架一係律師或工業家，當然很難約齊影大合照，好彩有現代電腦科技collage（拼貼）搞掂。
E-mail：