陳小春、張達明及陳敏之等，昨日在沙田拍攝電影《枕邊兇靈》。當記者提到近日有傳小春與一名國內女演員許晴鬧緋聞的消息時，小春即說：「啲緋聞好煩，搞基算啦。」
小春續說：「我對啲緋聞笑罵由人，我畀唔畀意見，出嚟嘅反應都係俾人話，我冇為呢啲嘢影響心情，唔想講多錯多，我唔傷害人，人哋又傷害我，嗰啲人有報應㗎，呢個世界好美好嘅，但有好多壞人，壞人一定冇好報。」小春雖未指名道姓，但難免令人聯想到他早前與霆鋒及栢芝所傳出的三角關係。
此外，有傳聞指小春舊愛車婉婉與曾和劉嘉玲傳緋聞的金融財俊ShermanLee拍拖，小春說：「好吖，咁唔使做啦，我都想搵個有錢婆唔使做。」