鄒世龍與太太唐浩雯前晚為女兒泊告鏞擺雙滿月酒，眾好友紛紛到賀。已湊成一個「好」字的唐浩雯笑言兩個還未夠數，希望追多一個「好」字，但鄒世龍卻暫無意造人。
模特兒公司种星堂老闆鄒世龍（Stephen）與太太唐浩雯（Rebecca），前晚於深水灣鄉村俱樂部設宴四圍，為女兒鄒澔鏞擺雙滿月酒。不少好友如李萬祺余安安夫婦、盧永仁夫婦、楊黛思夫婦及雷冠賢等均有到賀，並紛紛致送玩具及BB衣物給小澔鏞。而夫婦二人更開了戶口替小澔鏞儲利是錢。
作為第二任媽媽的唐浩雯，一早便到現場打點，並準備了Godiva朱古力作為禮物，回贈賓客。及後Rebecca回家再換上MaxMara新裝，與丈夫、四歲兒子澔賢及剛滿兩個月的女兒澔鏞合照。
夫婦二人更大談小澔鏞的趣事：「佢都好乖，淨係肚餓飲奶時先喊，但係佢最叻係識得要去廁所時喊，好似啲男仔性格，一急就周身唔舒服，會喊示意要去廁所，所以都可以慳番唔少尿片。」
問到夫婦二人是否兩個夠晒數？Stephen表示：「暫時唔會，𠵱家係搏殺期。」但Rebecca則笑說：「我都想繼續生，最好就湊成兩個『好』字，多啲細路第日老咗會熱鬧啲。」
Rebecca表示正忙於收身，雖有纖體公司向她招手，但她表示不會考慮，她說：「除非佢哋畀好多位數字，就算係老公都唔畀，因為減完之後要着得好少衫拍廣告，老公會唔鍾意。」而Stephen表示待女兒稍大後，打算與Rebecca去環遊世界作為慰勞。