經濟唔好，家長買玩具畀小朋友時可能都會就住就住，慳得就慳！今次小記就誠意為各位家長介紹一個超筍嘅精品開倉，當中以各式吹氣玩具和沙灘裝備最抵買，全場有成二千呎咁大，總貨量多達三萬件，而吹氣精品都有成七百多件，售價由二折起，今後小朋友無論戶外戶內又多幾款新玩意啦！
記者：許穗齡
攝影：陳穎
Model：Charlotte 天俊
布甸狗可能唔及HELLOKITTY受歡迎，不過見過呢款成個細路仔咁高嘅吹氣公仔，你必定會對佢改觀。吹氣布甸狗身高有成60cm，充氣後身體脹卜卜，同佢本身胖胖笨笨嘅形象非常合襯，而公仔底部更加有硬卡紙，令佢可以乖乖咁坐定定，𠵱家減到$40，真係平到笑！
尺寸：高60cm
原價：$194.5
開倉價：$40
雖然係精品開倉，唔一定係一啲不切實際嘅玩意，好似呢款MyMelody單座位吹氣梳化，就最啱畀小朋友坐定定睇電視，想帶埋去沙灘當太陽椅都得，不過由於體積大，要泵氣都幾費時費力。
尺寸：90cmx90cm
原價：$307.9
開倉價：$60
小朋友始終愛玩波波，拍攝當日Charlotte就特別對呢個KITTY吹氣球愛不釋手，不斷搶住要玩。HELLOKITTY吹氣波波外層印滿KITTY公仔圖案，內裏更有一隻立體的KITTY，造型可愛趣致，非常討小朋友歡心，𠵱家只售$40，非常抵買。
尺寸：直徑50cm
原價：$202.5
開倉價：$40
Charlotte：「除咗布甸狗公仔，呢個KITTY波波我都好鍾意，踢佢嘅時候入面嘅KITTY公仔會郁嚟郁去，好好笑！」
呢款長方形的HELLOKITTY吹氣咕𠱸，原本在汽車內使用，讓司機駕駛時將雙手放在咕𠱸上，減輕雙臂的壓力。不過咕𠱸亦可給小朋友當作小櫈仔坐，咕𠱸面更印有懷舊Look嘅KITTY貓樣，非常可愛。
尺寸：長45cm
闊25cm
高25cm
原價：$151.5
開倉價：$69
KITTY和Melody的產品大多受女孩子歡迎，似乎不太適合男孩子的口味。其實SANRIO旗下都有其他卡通人物適合男孩子，新幹線就係一個好例子。呢個水泡就連埋一個吹氣嘅新幹線車頭，重附有一條繩索，方便家長拖住小朋友游水，夠晒安全。
尺寸：直徑45cm
原價：$94.9
開倉價：$60
天俊：「我好鍾意游水，呢個新幹線水泡好得意，我想叫媽咪買個畀我！」
其他沙灘裝備
記得小時候去沙灘，媽咪爸爸會帶備淨色藤織沙灘蓆。今時今日的沙灘蓆，款式已變化很大，顏色重非常搶眼！呢款膠製沙灘蓆，印滿可愛活潑嘅CK鼠圖案，同款重有KITTY圖案選擇，每張均設有4顆膠釘，方便將蓆固定於沙灘上。
尺寸：176cmx236cm
原價：$210
開倉價：$99
到沙灘曬太陽，最好都係隨身帶備一把扇，好似呢兩款紙扇，左邊的KITTY加上一朵立體膠花，夠晒可愛；右邊的布甸狗加上各式夏日鮮果，睇見都開心，重有其他款式的膠柄紙扇通通只售$10，平平哋就可以𠱁小朋友開心。
尺寸：長33cm
原價：$19.9-$39.5
開倉價：$10
無論去公共泳池抑或去沙灘游水，小朋友都應該帶番副泳鏡保護眼睛。咪以為大口仔同HELLOKITTY泳鏡得個樣，佢哋選用防碎鏡片，有齊防紫外光、持久防霧等功能，每副重連靚靚透明膠盒、鼻樑膠2個及矽膠耳塞1對，既專業又有型有款。
原價：每副$79.9
開倉價：$50一副
$80兩副
去到沙灘當然要小心保管自己嘅私人物品，呢款KITTY多用途證件袋印滿花花及KITTY圖案，內裏間隔夠多，適合擺放不同證件如身份證及信用卡等，加埋連袋的鐵鏈，無論掛喺背囊或褲頭，一樣咁方便有型。
尺寸：16cmx12cm
原價：$151.5
開倉價：$39
開倉資料：卡通精品倉
日期：即日起至5月4日
時間：今明兩日正午12:00至晚上8:00
5月4日上午11:00至晚上8:00
地址：青衣長達路14-20號偉力工業大廈A座7樓
穿梭巴士：來往偉力工業大廈及葵芳地鐵站地利店出口，約10分鐘一班車
時間：今明兩日下午6:00至晚上7:30
5月4日上午11:00至晚上7:00
查詢電話：21498636
＊收現金，$300以上接受VISA及MASTER信用卡。