李蘢怡（Tiffany）、何韻詩、谷祖琳和陳司翰等昨日在旺角新世紀廣場，出席「b+g新書簽名會」。陳司翰離場時，一名女歌迷尾隨狂追，走出馬路時，因踢中雪糕筒而跌倒，幸女歌迷即時爬起身，有驚無險。
Tiffany身穿吊帶背心出現，她表示無懼走光，她說：「挺起胸膛就冇事，做足安全措施啦。」對於其所屬的東魅唱片部，傳出將有高層過檔英皇，Tiffany說：「一早知啦，但唔知會帶幾多工作人員走。自己係小學生，等譚校長（譚詠麟）決定啦。」
此外，受嘉禾唱片結業影響的傅珮嘉昨晨臨時通知大會缺席活動，曾受華星裁員牽連的何韻詩說：「我都有喺ICQ問候佢，呢個階段佢會好煩，唔問佢咁多啦。」