昨日五一勞動節，工聯會梁富華同職工盟李卓人兩大領袖，日間分頭活動後，跟住就齊齊去咗黃毓民嘅節目。
原本諗住佢哋可以一唱一和，為打工仔出聲，點知只係為爭取集體談判權，就搞到兩人出現口角。
話說梁富華好支持談判權，但認為唔需要立法，最緊要勞工界團結就得。但李卓人反駁，直言要立法先做到，如果唔係，只要大家團結，咁係咪可以廢晒所有勞工法例？兩人隨即在大氣電波上火花四起，針鋒相對。
𠵱家打工仔怨聲處處，兩個工會雖然政見好唔同，但八方就希望佢哋可以齊齊合作幫忙，一齊幫打工仔唔好被無良僱主欺壓。
E-mail：