𠵱家電腦聲效潮流興玩5.1聲道，但如果要你自己拆機換SoundCard，相信好多人都會嫌麻煩，所以日本最近推出了一部USB外置式「5.1聲道音效接駁器」。
呢部日本最新推出的SKNETDIGITALSOUNDSTATION，佢可以透過USB接線，直接將電腦內的音樂檔案，經光纖輸出作「模擬5.1聲道」效果，（如果接駁上有5.1聲道解碼的擴音器，可以做出真正5.1聲道效果），用佢嚟做DVD電腦影院就至啱！不過筆者都係較喜歡用佢個光纖輸出，接駁上MD作錄音，功能基本上同玩NetMD冇乜分別。新機開賣價為13,000日圓（約港幣$845），暫時未知水貨到港日期。
記者：朱崇德