房協馬鞍山曉峯灣畔昨日開始收票，利記派咗300幾人到場，做咗超過400張票。
深圳萬科位於福田區的大型住宅金域藍灣，發展商整咗個大型展示廳，重話同中原有合作計劃，睇嚟好快會響香港發售。
在港推出一段時間嘅深圳百仕達花園，發展商最近響第三期設「東方魅力酒吧」，由東方魅力及深圳聖保羅餐飲娛樂公司聯手經營，分運動吧同咖啡吧。影星譚詠麟、曾志偉同陳百祥都有出席簽約儀式。日後幫襯呢間酒吧時，話唔定會撞到香港明星。
最近個別屋苑全包呎租跌穿10蚊關口，好似將軍澳新寶城6座中層606方呎單位，全包月租6000元，呎租只係9個9；火炭銀禧花園5座高層山景單位，全包月租又係6000元，呎租9.3元。
蘭西