劉德華早前到日本大阪工作時，順道去了環球片場遊玩。他欲向巡遊的卡通公仔索吻，可是卻大吃檸檬，頓感無癮。昨日亦有消息指華仔有份主演的新片《功夫男女》拖欠員工薪金，該片導演劉偉強表示事件屬流言。
劉德華早前去了日本大阪工作，他寓工作於娛樂，抽空去了環球片場遊玩。華仔爭取時間四處玩，因為排隊玩機動遊戲比較費時，所以他只是選擇看表演取靈感。
華仔甫進入環球片場，已感到興奮莫名。華仔不停跟巡遊的卡通公仔合照，包括《花生》漫畫的Lucy和大力水手及其女友愛麗斯。可是，熱情的華仔雖欲對巡遊的公仔攬攬錫錫，但都不得要領，大吃檸檬，令華仔大感無癮。華仔說：「我成世仔都未試過咁失敗，平時通常係人哋想錫我，但我唔肯畀人錫，邊有話我想錫人，人哋唔准㗎。𠵱家我先知道呢兩個卡通人物同我一樣咁專一。」
對於華仔的出現，環球片場內的香港和日本遊客都很驚喜，爭相趨前向他索簽名和合照，令到華仔十分忙碌，遂要求fans放他一馬，華仔說：「我對佢哋講，我都好想好似佢哋咁，可以開開心心咁玩一日。」
此外，有消息指華仔有份主演的新片《功夫男女》被擱置，而參與該片前期工作的部份工作人員，尚未收到酬金。記者昨日致電天幕電影公司高層兼《功》片導演劉偉強，他說：「其實部戲嘅劇本重未搞好，𠵱家重修改緊，未知幾時搞妥。至於欠薪一事，我冇聽過，我都會了解一吓件事，我唔容許有呢啲情況。如果真係欠薪可以搵我，但唔好散播流言。」