早前有報道指梁朝偉（偉仔）與安雅秘密拍拖，而偉仔女友劉嘉玲早前更公開說：「只要佢（指偉仔）悶，同個個拍拖都准。」語調相當大方。
昨日偉仔與好友吳廷燁出現金鐘萬豪酒店，偉仔泊好座駕，準備與吳廷燁歎茶時，一眾記者上前追影他，偉仔即表現不悅，並向身旁的吳廷燁說：「佢哋（指記者）都儍嘅，唔飲（茶）啦，攞車走！」
記者追問偉仔與安雅拍拖一事，並告之他嘉玲的大方言論，偉仔即時擰一擰頭，然後說：「黐線、亂噏！」再問他會否覺得嘉玲大方？偉仔說：「你哋都儍儍哋！」然後打消歎茶的計劃，付了一百元貼士予酒店的工作人員，便驅車離開。偉仔泊車不夠十分鐘亦付足小費，相當闊綽。