繼去年華星唱片公司大幅裁員後，嘉禾影業屬下的嘉禾唱片部，亦於昨日解散，受影響的有旗下唯一歌手傅珮嘉及約六名員工。
前年十二月開業的嘉禾唱片公司，屬細規模公司，旗下歌手只有傅珮嘉，曾先後推出兩張大碟。其間以部頭形式為新人曾國銘出碟，並邀請九龍皇帝曾灶財合拍MV大搞噱頭。唱片部更曾為嘉禾一系列電影，如《特務迷城》、《薰衣草》及今年的賀歲電影《嫁個有錢人》推出原聲大碟。
昨日，嘉禾唱片部總經理黃志斌通知屬下員工正式遣散，員工即時獲發遣散賠償後，便執拾細軟離開。
昨日黃志斌接受電話訪問時說：「我係噚日（即前日）接到公司通知要解散，公司已依足勞工賠償有一個月通知同雙糧等。至於傅珮嘉因為合約未完，所以會同佢經理人公司傾吓點樣解決。𠵱家個市真係好難做，不過傅珮嘉隻碟冇令公司蝕錢，蝕錢嘅係嗰一系列電影原聲大碟。」
前年跟環球唱片解約轉投嘉禾唱片的傅珮嘉，昨日在電話中平靜地說：「我對呢個消息冇乜感覺。不過我都唔擔心，因為之前已經有其他唱片公司搵我，至於我同嘉禾嘅合約，經理人會幫我搞掂。」
採訪：盧雪琪、胡比