林熙蕾前晚拍攝電影《枕邊凶靈》時，原本要化一個爛面妝，但電影公司為節省化妝時間，特別為林熙蕾安排了一個女替身。結果女替身試妝時，一度因皮膚敏感而落淚，名副其實做了林熙蕾的「替死鬼」。
林熙蕾、陳小春和雷宇揚等，前晚在九龍城為電影《枕邊凶靈》拍煞科戲。林熙蕾前晚以女鬼look參與拍攝，原本要化爛面妝的她，因化這種妝太費時而獲電影公司安排女替身上陣，而該名女替身試妝時，因臉部皮膚敏感而一度落淚。
林熙蕾不用化爛面妝而避過面部敏感，卻連累女替身名副其實做了她的「替死鬼」。林熙蕾說：「因為化呢個妝要兩個鐘頭，所以先至冇化啫。我覺得作為演員，劇情需要我都會化。」
林熙蕾續說：「拍完呢部戲，我好想拍一部好似《摘星奇緣》嘅戲種，希望可以同吳彥祖或金城武呢類型嘅男仔合作。」
此外，陳小春日前接受訪問時，曾做出反V不文手勢，記者前晚致電黃秋生，他說：「小春係一個popsinger（流行歌手），我唔明佢點解會做rocksinger（搖滾歌手）嘅嘢，都唔係佢身份應該做。不過，我諗小春真係唔知呢個手勢嘅意思。」
而小春前晚則回應說：「我真係唔知嗰個手勢嘅意思，我見成龍成日做V字手勢，我見好悶咪做啲差唔多嘅出嚟。」
採訪：何永寧攝影：陳偉權