上個禮拜關刀推出馬年「科時」行貨，半日斷巿，又成花園街Sales飯後話題。基本上，除非到關刀專門店排隊，否則喺花園街唔識人都買唔到，批貨一早被日本仔留起晒。
訴苦Sam話有個日本仔好耐冇嚟香港，對上一次已經係幾年前來港掃AirMax95蠶蟲鞋貨尾，當時花園街班老闆重取笑佢做乜咁勇，終於半年後就知笑錯人，對鞋喺日本狂升幾倍，之前以批發價賣畀佢嘅老闆只有呻笨。
今次個日本仔重臨香江，向花園街舖頭收買馬年科時，話明有咁多要咁多，就算門口零售價都冇所謂，是否意味對鞋好似以前95咁勁？定係咁啱因為日本黃金假期，途經香港順手掃批鞋返祖家？真係估佢唔到。
今個禮拜，勞動節假期後，第二對中文字科時「衝勁」就推出，相信一樣好難買到。波鞋街Sales訴苦Sam話日本仔同之前一樣落晒Order要貨，睇嚟炒高一倍又少不免。
主持人：大食Jack
八卦熱報：