近年因206及307大賣，而成為全球車迷焦點嘅標緻車廠，最近外國有消息傳出，話標緻廠方正落力研製全新207車系，據聞會用以取代現有嘅206車系之外，同時亦希望爭取到一班年輕車迷嘅支持。
從預想圖中可以睇到，全新207嘅造型與現有嘅307車系相近，同樣採用低斜嘅頭燈配搭，望落既突出又吸引；而經過改良嘅A柱及擋風玻璃設計，更可有助改善駕駛者嘅視野。至於車廂方面，雖然未有確實嘅資料，但一般相信新車嘅車廂設計，將會以簡單實用為主；但仍有待廠方公布有關資料後，方可確實其配搭。引擎配搭亦會與現有206車系相近，當中頂級嘅GTi型號亦會被保留下來；有興趣嘅車迷，不妨留意一下新車嘅推出日期喇。