早陣子，日本萬事得部全新Mazda6，未推出就經已被視為豐田Altezza（即港版凌志IS200）嘅最強對手；及後，香港一班汽車傳媒遠赴意大利作實地測試，亦對部新車評價甚高。而踏入5月之後，距離新款Mazda6嘅到港日期愈來愈接近，直接對手嘅凌志IS200亦出招部署，並且響上個周末將標準版嘅IS200Select型號，由原來嘅24萬9千元，大減兩萬至22萬9千！相信今趟凌志代理嘅減價伎倆，會對Mazda6嘅定價有直接影響；睇嚟凌志嘅減價行動，重會逐步升級。究竟Mazda6響正式登陸香港時，能否站穩市場一席前列位置呢？大家不妨拭目以待。