何鴻燊日前接受採訪時，唔覺意踢爆房委會主席鄭漢鈞向地產商通水，話政府興建居屋會一路路減少。作為房屋政策揸fit人嘅煲呔曾，當然要出嚟解畫，同埋「救救」鄭博士，幫佢補鑊。
煲呔曾噚日開完行政會議，就同記者重申，停售居屋嘅策略會直至六月尾，七月後發售嘅數量已經講過話會少過九千，𠵱家係同房委會考慮出售幾多、時間表係點，而呢樣嘢都好視乎市場嘅表現才作出最後決定。
煲呔曾又話鄭漢鈞係一個「資深、小心說話嘅人」，相信佢唔會喺呢個問題上，講太多佢唔知道嘅嘢，亦唔會講唔應該講嘅嘢。嘩，呢番話聽喺鄭漢鈞耳中，真係一啖砂糖，一啖……
當事人何鴻燊昨日再出席公開場合，卻聲聲否認自己有話鄭漢鈞通水。
唉，何博士，前日你風風騷騷在數十記者面前爆料，把自己與鄭的對話公諸於世，又豈容你一句否認就否認。
雖然你冇用「通水」字眼，但作為房委會主席的鄭漢鈞在居屋檢討結果公布前就提早放料，唔係通水係乜？
（圖）何鴻燊否認有話鄭漢鈞放料，但在場記者眾多，唔知佢可以點解釋呢？
E-mail：