Hamilton——似曾相識的名字，再講話電影《M.I.B.》（《黑超特警組》）的話，相信你有印象，其實Hamilton係一間歷史悠久的美國廠（現在則屬SwatchGroup的門下），本身對表壇有極大影響力，由當年首隻電子LED手表：PULSAR及首隻行針電動手表，都係出自咸美頓之作。而隨電影《M.I.B.2》就快上映，已率先靜靜咁將大量經典重新推出，趁戲未上，表舖未炒，大部份人未知，馬上睇定先。
記者：馮彥彰
自從上次因《M.I.B.》大收旺場的Ventura，今集再追加，推出Ventura的Chrono及復刻Hamilton首隻LED電子手表，相信最吸引都係隻LED手表，因為話晒都係70年代的科技，加上表的準確度高，而且又十分耐用，一夜間將成個表壇改變。至於同時推出的Ventura Chrono，基本上是延續上集的Ventura版再加Chrono，但收藏價值同樣高。
（左）型號：MIBDigitalWatch
售價：$1,750
到港日期：6月頭
（右）型號：Ventura Chrono
售價：$5,650（限量版）
到港日期：6月頭
中文譯名《黑超特警組2》，內容講外太空異形侵略地球，黑超特警組再次出動，舊拍檔重新聚頭，為趕絕這班厲害怪物，展開一場人類與異形間的角力……故事講回韋史密夫WillSmith點樣幫老拍檔湯美李鍾斯TommyLeeJones回復記憶，自然笑料百出，黑色幽默玩到出晒位，今個暑假有得睇。相信係《星戰前傳2》後另一必睇之作。
上一代的Ventura將沉靜了一輪的Hamilton帶到香港，今次相信都會有另一熱潮，Fans可以買回上一代的3個款回家儲，雖然係行石英，但外形已經贏晒，不銹鋼表面再加50米防水，重出埋女裝款。突然想起，曾有表行炒至$8,000！
售價：HK$4,350
睇睇外星人以外的Hamilton，都有唔少好貨色，而且價錢唔貴，千多元就有隻鋼表，再唔係加多少少錢就可以玩到Chrono。買返屋企，睇睇佢哋歷史，你就會知道其實Hamilton都好有內涵。
Hamilton一向以Khaki名字來作其軍用系列的代名記，因為在第一次大戰及二次大戰中，都有唔少美軍戴過，其實Chrono功能就唔使多講，都係以計時為主，特別在有埋星期日曆，表殼用不銹鋼製，故特別重手，而黑色表盤襯上今年至勁的42mm表面，係時候入貨。
售價：$6,550
Hamilton另一出名，相信係表的特別設計，以石英機芯運行的Chrono，特別在其表殼設計，長方形中又有少少流線型，少少Classic味道，暫時未有售價，要等到8月先到港。
講到最平又抵買的Hamilton，相信係呢隻：Mechanical機械表，意思即係全手動，要自己上鏈先會行，絕對係經典之作，而且外表設計平實得來極有美國味，價錢又平，係入門級必買。
售價：$1,990
另一方形表，又是以古怪外形，將古典加科幻混合其中，當中有日曆顯示、計時。
售價：HK$4,350
Hamilton跟美國有密切關係，在1893年美國的Lancaster，首隻Hamilton的手表由H.JCain發明，其實在1892年已開始運作，其後在第一次大戰及美國鐵路都以Hamilton作指定手表，一直順風順水至1940年，Hamilton一樣為二次大戰做手表，當中的Khaki系列更於年前曾拿出來拍賣。接着就是Hamilton的全盛時期，包括1957年首隻Ventura面世，即係𠵱家睇《M.I.B.》時WillSmith戴住嗰隻。而另一項紀錄是1972年推出的首隻電子表PULSAR，也即是即將復刻在《M.I.B.2》的一隻。
世界大戰結束，今日再難跟大家講話乜乜表經過大戰洗禮，用料勁實正，唔買唔得云云。Hamilton深明此道理，故與全世界最大的娛樂之一的電影結合：數數手指，不少電影都跟Hamilton有關。
LED的全名係：QuartzWatcheswithLightEmittingDiodeDisplay，以電子方式計時，當時來講係一項高科技，而且十分準確，誤差細。Hamilton推出其PULSAR系列，咁你會問點解今次隻復刻冇咗呢個字，梗係啦，PULSAR個名當年已經俾日本仔精工買起咗。
查詢電話：25105197