早前有傳張栢芝拿出來拍賣的二手衫有污迹，其後栢芝否認此事。張燊悅和黃伊汶前晚出席二手衫義賣的宣傳活動時，強調自己捐出的衫十分乾淨，似有暗寸栢芝之嫌。
張燊悅、黃伊汶和模特兒AnaR.前晚在銅鑼灣Baboon時裝店出席「交換溫暖、分享衣物」義賣二手衫宣傳。義賣已在日前開始，多位藝人和名模都捐出自己的珍藏，其中張燊悅捐出三十件衫，黃伊汶則捐了五件。
早前有傳張栢芝拿出來拍賣的二手衫有污迹和內裡破損，其後栢芝否認該二手衫是屬於她的；而和栢芝同屬環球唱片的張燊悅和黃伊汶，早前曾傳三人因爭寵而不和，前晚張燊悅和黃伊汶都強調自己捐出的二手衫處理得非常乾淨，似乎是暗寸栢芝。
張燊悅說：「我捐咗三十件衫，全部清潔好晒先至攞出嚟嘅，一定冇污迹。至於定價方面，就由時裝店決定。」張燊悅捐出的一件T恤，牛仔圖案的顏色看上去比較舊，她澄清說：「件衫唔係因為舊而甩色，呢件T恤嘅feel就係舊舊哋嘅。」
黃伊汶表示捐出來的五件衫都是做騷時着過，她說：「我自己啲衫一向處理得好乾淨，唔會有問題。」
有傳王菲可能加盟環球，黃伊汶說：「我都有問過陳少寶（環球高層），佢問番我好唔好，跟住佢重問我驚唔驚到時會因為咁而減少我嘅製作同宣傳費，我答話公司對我咁好，唔會咁做嘅。雖然佢冇答我係定唔係，但我覺得應該冇咁嘅事。」
採訪：李珮洳 攝影：陳志嵐