在現今資訊發達的社會，電腦應用已普遍成為學校的主要課程。惟對於家境清貧的霍氏孤寡母女及蔡家兩兄弟來說，家庭每月的收入僅足餬口，實在無力購買電腦予他們學習。蘋果日報慈善基金近日撥款十四萬六千二百九十元，資助香港小童群益會長沙灣青少年綜合服務中心舉辦「人人有腦」工程計劃，轉贈一百部電腦予貧家學童。
「𠵱家除咗電腦科功課要用電腦做之外，中英文科都要用電腦，老師會畀一啲參考網址我哋睇，之後先可以做到功課，不過屋企冇電腦，有時惟有叫同學仔講番內容畀我聽！」十五歲就讀中二的阿琦無奈地說。
三十八歲的霍女士與丈夫結婚十七年，數年前丈夫因病去世，母女現靠綜援金維生，除了繳付基本的伙食開支，還要應付書簿雜費的支出，經濟緊絀。
「其實我都有諗過買部電腦畀佢用，不過好貴，若果買咗之後，下個月屋企嘅租金同埋伙食費都唔知點算……」霍女士歎道。
霍女士曾嘗試找工作，幫補生計，惟她從沒有工作經驗，多被僱主婉拒。為了節省家庭開支，霍女士會把部份的餸菜留下來分作多餐吃，而每逢假期，母女大多留在家中看電視，甚少外出。
「𠵱家放學要留喺學校排隊用電腦做功課，但每次都係用得十幾分鐘，根本都做唔晒啲功課，惟有成日同老師講要遲交，如果屋企有部電腦，就唔使咁樣。」阿琦期盼地說。
另一位貧家學童安仔，與胞弟分別就讀中一及小五，他苦着臉說：「我同細佬喺學校要上電腦堂，每星期兩節，但屋企冇電腦用，我哋經常要喺學校留堂做電腦科功課。又唔可以喺屋企上網搵資料同寄電郵畀朋友。」
年約四十歲的安母蔡太歎謂：「兩個仔知道屋企環境唔好，從來唔扭計買嘢，但近排佢哋已經問咗我兩次可唔可以買部電腦用，我惟有同佢哋講：『買咗電腦，我哋邊有錢食飯呀！』」
蔡太自丈夫早前工傷後，一家四口僅靠綜援金過活，需節衣縮食，難有餘錢負擔購買電腦費用。
蘋果日報慈善基金近日撥款逾十四萬元，資助小童群益會長沙灣青少年綜合服務中心展開為期六個月的「人人有腦」工程計劃，培訓電腦維修義工以及回收電腦，轉贈予包括阿琦和蔡家兩兄弟在內的一眾貧家子弟，查詢電話：27292294。
暖流熱線
電話：29908688
傳真：23702192
電郵：
網址：