睇唔出霍震霆份人咁懷舊，噚日一去到中央圖書館，就已經要特登搵番一九二六年一則《工商日報》有關足球嘅報道。去到歷史博物館，更加頻頻話要帶埋老竇來懷舊，真有孝心！見到博物館特地搜羅回來的古老地磚，霍大少透露，原來幾年前深圳起地鐵，佢都花咗一百萬買起啲舊地磚，運去南沙砌咗間天后廟。
見到六十年代制水時排隊輪水場面，霍大少都話有共鳴；六十年代霍家已經幾富貴，霍大少點會使排隊輪水？原來霍大少話諗起當年屋企都冇水沖涼，周身唔舒服，結果飛咗去日本，沖涼一沖就沖咗三個鐘。噢，明白明白。
E-mail：