呢兩日由保險業聯會嘅建議，到衞生福利局長楊永強嘅回應，醫療保險又再成為熱門話題。八方噚日見到仁安醫院院長李繼堯醫生，當然要問吓佢點睇，會唔會希望醫療保險盡快實施，咁私家醫院就唔使再叫救命。
李院長話一提起就成肚氣，佢話自從哈佛醫療報告開始，啲專家同政府都好少諮詢私家醫院意見，𠵱家前景不明，改革方向冇各方支持。李院長跟住打個比喻，話佢哋都諗住跟隨楊局長所奏嘅音樂起舞，不過都要知係拉丁音樂，定係BallRoomDance，先可以跳。點知𠵱家政府唔播音樂，淨係識放風，搞到佢哋無所適從。李院長話就算由強積金抽百分之二都應該唔夠畀醫療費，政府可能要包底。
八方就話李院長唔怪得楊局長，皆因阿董都未正式公布邊個做衞生部長，咁早播音樂，容乜易到時要變調！
E-mail：