近年各地經濟低迷，未見完全復甦，雖然對唔少車廠構成一定壓力，但相對於以迷你車為主導嘅大發車廠，銷量卻有增無減；繼剛啱運嚟響東瀛本土炙手可熱嘅VMAX（即日本MAX）型號外，早前亞Mark曾經透露過嘅C-Open開篷小跑車，據聞日本廠方會響正式投產時，增加至每月一千輛，以滿足求過於供嘅定單嘛！然而，香港會係東瀛本土以外，首個有外銷C-Open嘅地區；據知日本首批新車會響7月面世，而香港代理會響6月運嚟一部Demo車作預展，之不過聽聞經已有客人一早落咗訂，你哋都咪睇小呢股小旋風嘅氣燄呀！話多個秘密畀大家知，廠方正計劃稍後推出Hardtop版嘅C-Open，賣相會跟奧迪TT更神似，有興趣嘅朋友就要拭目以待喇！