平時形象樂天開朗的江欣燕(欣欣),近日因愛貓DeeDee失蹤一事,連續在家哭了數天。
欣欣述說愛貓DeeDee的特徵及失蹤過程,她說:「DeeDee係一隻Exotic短毛貓,係男性,佢嘅毛色係白灰漸變色,體形好肥,到今年十月就六歲大。」
欣欣續說:「DeeDee係上個禮拜四(二十五日)朝早唔見嘅,話說我同Jackson(欣欣丈夫)最近幫朋友暫時養咗隻狗,但係呢隻狗好鍾意隨地大、小二便,所以我哋就叫傭人打開道門方便,我諗就係嗰個時候,DeeDee溜走咗。鄰居嘅傭人就見過DeeDee企喺我哋屋企門口,想返屋企咁,但道門就閂番。」
欣欣表示已在其住所樂活道附近貼街招,並向愛護動物協會求助,但仍沒有DeeDee的消息。她說:「希望有心人如果見到DeeDee,可以聯絡我哋,日間電話係28990059,夜間可以打72060601,我哋會厚酬答謝呢位有心人㗎。」
採訪:梁錦雯