呂良偉（阿呂）與太太楊小娟、章小蕙及賭王何鴻燊四姨太梁安琪等，昨日分別前往金鐘，出席佳士得的拍賣活動，收藏家葉承耀在活動上拍賣多件酸枝家具。
問阿呂會否考慮購酸枝家具送贈朋友時，他笑說：「點送呀？幾十萬美金喎，送畀老婆又唔同，佢鍾意古董家具，又鍾意珠寶，我結婚前已經知佢鍾意呢啲，所以要努力搵錢。」
早前有傳楊小娟會拍張玉珊的「修身堂」廣告，但在新一輯的廣告中，卻由安雅等任代言人，楊小娟則榜上無名，阿呂對此便說：「老婆fit唔fit使乜畀人睇？都冇呢件事，佢都介紹咗好多客畀張玉珊啦，重使乜影呀！」
此外，昨日阿呂仍以光頭look出現，原來他正忙拍攝電視劇《書劍恩仇錄》，故他要剃光頭飾演劇中一角。
採訪：梁錦雯
攝影：陳偉權