𠵱家通街都係車，想與別不同，點都要為自己架車扮扮靚。今次介紹一批Princess的汽車精品，全部均以桃紅色和粉紅色為主，最啱各位貪靚的女車手，將自己架車變成公主座駕。
記者：區佩嫦
攝影：周旭文
夏天手汗太多，怕揸車時跣手，不妨在軚盤套個毛毛套，全個軚盤用咗姣姣哋嘅桃紅色，顏色夠晒Sharp，襯埋套上嘅Princess同皇冠圖案，揸車都醒神啲。尺寸方面，16吋或以下的軚盤都啱用。
售價：$799
香港嘅太陽特別猛烈，出街泊車唔用太陽擋遮一遮啲太陽，部車啲膠好快會老化。想Keep好啲部車，泊露天停車場當然要用個太陽擋保護吓啦！呢款一套兩塊嘅太陽擋，以耐用的尼龍製成，能夠阻擋UV紫外光及熱力進入車內，令車身不會變得太熱。不過小記就最欣賞太陽擋上的PrincessIsOut的字樣，夠晒體貼。而每塊的尺寸均為25吋x28吋，適合各款車輛使用。
售價：$1,999
好多人都怕安全帶箍住條頸唔舒服，不如裝番個安全帶套，呢個安全帶套用Fleece做，軟綿綿嘅質料夠晒舒服，以後都唔怕整親條頸啦！安全帶套一套有兩個，能同時體貼你身邊的另一半！
售價：$899
ThePalace,Prince&Princess（28360887）
銅鑼灣謝斐道509號銀座地庫商場40號舖