世界盃將至，好多球迷日間要返工，未必睇得晒所有賽事。如果想即時知道比賽結果，其實亦唔係難事，最近電訊數碼及亞洲體育資訊合作推出一部GoGo體育資訊機，將來世界盃及現時正舉行的歐洲各大足球聯賽期間，一有入球即會有響機提示，兼且加埋賽馬、NBA及網球等資料，球迷馬迷一定鍾意。
記者：宋國榮
攝影：陳穎、陳智良
ImageGirl：Cass(Imagine)
除足球外，賽馬亦是香港人較熱衷的一項運動，所以GoGo機內亦備有詳盡的香港及澳門賽馬資料，例如賠率、派彩、貼士等。另外GoGo機更備有由馬會提供的落飛資料，當某馬匹臨場有不尋常的落飛動態時，就會即刻以傳呼提示，而開跑後還有馬匹沿途走位顯示，咁以後有部傳呼機就可以隨時隨地查知自己捧場的馬匹有否斬獲。
除足球及賽馬外，GoGo機還包括NBA籃球、網球、哥爾夫球等體育活動的消息，而將來奧運會舉行期間，亦會有各項比賽的結果顯示。至於一般傳呼機的資訊，例如新聞、金融、交通、娛樂等亦包括在內。
GoGo機提供入球速遞，每場賽事當有入球即會有響機及小板面通知，其中包括歐洲各大聯賽如英超聯、意大利甲組聯賽等，以及歐冠盃、足協盃和世界盃等大賽。客戶亦可自行設定個別場次提示，就算未能收看直播都可以最快得知賽果。
GoGo機會不斷更新即日球迷追捧指數，如果比賽當日因球迷落力追捧某球隊令到指數有變，GoGo機就會傳呼提示。同時機內亦有一個指數走勢圖給用家參考，睇番世界各地球迷追捧球隊的情況。此外，GoGo機亦會不時提供各球隊或球員最新資料，如停賽、傷病、操練等情況畀用家。
GoGo機內除了由亞洲體育資訊提供的參考指數外，還加入了例如澳門彩票、偉德國際等五間世界性合法博彩公司資料，畀大家多一種資料參考。
GoGo機機價$600
電訊數碼查詢熱線：77777777
香港用月費$298
中港用月費$328
（不包括傳呼服務）