響四驅越野車界中，車迷對日本五十鈴嘅名字或許會不大認識，皆因香港僅得一款Tropper，或許早前嘅MU亮相而已。然而，一直放眼於歐美市場嘅五十鈴，眼見近年有多款大型SUV推出，為要站穩市場中的一員，廠方迫不得要研製新車。而剛啱響北美一次大型國際性車展上，全新Scend四驅SUV終於正式面世。呢部造型極具北美口味嘅Scend，造型穩紮富剛勁性，車廂鋪排及陳設卻未見有多大嶄新概念，倒會是迎合到一班越野車迷嘅踏實感；至於動力系統，則會係一台全新4.2公升直6DOHC偈，輸出有275ps/5200rpm馬力同45.0kgm/3600rpm扭力咁多㗎！加埋一套恒式四驅同4前速自動波配搭，睇嚟亦有一定號召力噃！