蒙嘉慧（YoYo）及溫兆倫等，昨日於烏溪沙一教堂為無綫新劇《華克探案》（暫名）拍攝一場結婚戲，劇中YoYo原應以爛面裝示人，但她昨日並沒有變「醜女」。
YoYo說：「嗰個鏡頭今朝已經拍咗，用咗雙面膠紙貼住當爛面，因為我之前拍過兩套戲，都試過化爛面裝，點知搞到皮膚敏感，所以化到自己都驚，化爛面裝要用膠水，又唔可以用護膚品，同埋今場戲導演話爛面可有可冇。」
問YoYo為何身上的婚紗如此密實，她笑說：「係呀！咁咪啱我囉，因為套劇係六十年代，冇咁sexy，所以好適合我。我為咗着呢套婚紗已經減肥，𠵱家腰圍二十四吋，點知套婚紗二十三吋腰圍，所以我着嗰陣都要縮肚。」
採訪、攝影：楊潔雯