容祖兒昨日在大埔為一個烹飪比賽擔任評判，她表示由於公司不准她食澱粉質食物，所以當Joey昨日試食即食麵時，她立即把握機會食個痛快。
容祖兒（Joey）昨日在大埔出席「出前一丁之廚神搜尋篇」活動，擔任活動評判。參加者即席大顯身手，Joey最後選了炮製「金香雞翼炒出前一丁」的譚新南師傅為「廚神」。
Joey昨日一身輕便裝束示人，由於英皇要旗下藝人喼弗，不准她食澱粉質食物，當Joey昨日見到參賽者煮即食麵，她即急急試食，並在鏡頭前露出一副饞嘴相。
Joey說：「我今日（即昨日）嘅任務係做評判，順便放肆吓。早前我為『出前一丁』拍廣告，廣告商答應我無限任食，可以慳好多。因為我可以任食，忽然多咗好多朋友問我攞麵。我一係唔食（麵），一食就要打孖上，我間中都會偷食。」
Joey表示食即食麵會致肥，她說：「食即食麵會肥，我唔會當消夜。」問到英皇是否仍不准Joey食飯，她說：「公司唔畀我食飯，但可以食麵，係唔可以食咁多，所以我拍廣告時會盡情食。」
此外，Joey下月推出新碟，她日前在西貢一草地上拍攝唱片封套，Joey說：「我着咗比堅尼上截配透視衫，好性感㗎。但我唔敢着全套比堅尼泳衣上陣，因為肥得滯。當日拍封套，嗰度嘅廁所好多烏蠅，我驚佢哋飛上嚟，惟有喺山邊就地小解，媽咪同助手替我遮住。」
採訪、攝影：王崇穎