「啤妹」蔣怡近日人氣急升，她前晚跟任職首飾設計的男友翁狄森（Dickson）十指緊扣往看新片《蜘蛛俠》首映，十分恩愛。對於女友跟緋聞多多的周星馳合作，Dickson表示相信周星馳為人。
生力啤六呎高廣告女郎蔣怡（啤妹）及男友翁狄森（Dickson)、王敏德馬詩慧夫婦、Rosemary與媽咪、胡杏兒、余安安一家和任葆琳等，前晚在灣仔會展欣賞新片《蜘蛛俠》首映。大會更安排兩名靚女作「蜘蛛女」打扮，跟現場嘉賓合照。
穿上小背心襯牛仔裙的蔣怡，跟任職首飾設計的男友Dickson十指緊扣往看首映，態度親暱。問到蔣怡何時好事近，與男友拉埋天窗，她說：「我哋拍咗拖年幾，唔知幾時結婚，我哋喺香港識嘅，都算係緣分。」
蔣怡早前與周星馳（星爺）合作拍生力啤廣告，Dickson可有擔心過女友跟星爺傳緋聞？他笑說：「唔怕，我信得過佢。」Dickson口中信得過之人是指女友抑或星爺？他說：「我係信得過星爺。」
而Rosemary母女前晚結伴看首映，問Rosemary為何不偕男友Gordan前來？她說：「今日（即前晚）我同媽咪嚟，唔講私人生活，只係講套戲。」Rosemary母親Julie則表示女兒最近已接了一部電影，她說：「係梁栢堅部新戲，導演話如果佢廣東話進步會加佢戲，但唔使佢性感演出。」
此外，胡杏兒剛從上海回港，她說：「我睇到報紙知阿姐（汪明荃）患乳癌，希望佢冇事。我遲啲會同陳慧珊吳鎮宇拍劇，同影帝合作好開心。」
採訪：馮美茵
攝影：羅德光