好消息係本港出口貿易上月連跌12個月後首次回升，同埋美國經濟上季大升5.8%。壞消息喺上禮拜五美股並冇因為經濟強勁而上升，反而有唔細嘅跌幅；另外，港股連番急升後，有啲攰攰哋，有回吐壓力。
暫時最好觀望住，買Call輪驚短期上便水位唔夠兼大市有啲調整，買Put輪勉強可以諗些少，但要提防美股連番急跌後，有技術性反彈。首季美國經濟強勁，雖然話可能係短暫性質，未來唔易維持，但亦都有機會刺激美股上升，帶動港股進一步向好。
睇定啲嘅同時，亦可吼住大市或藍籌落番低啲之時，趁低兜貨。
長實（001）、和黃（013）、中移動（941）等啲熱門Call輪，等候機會，例如跌多5至10%之時買入。新地（016）近期好強，啲相關Call輪升得太多，就算回落，都咪郁手住。
中石化（386）呢排急跌，其他兩大油股冇跌，有機會反彈，走勢唔會跟大市。中石化Call輪9062，由40仙邊邊散落嚟，現價32.5仙，有機會反彈。
章 盛