講Kubrick，對老一輩讀者來講，可能會同你講電影，講《2001太空漫遊》，但對𠵱家新一代的年輕人來講，可能就係一個又一個的日本MEDICOM出品膠公仔，好多人迷戀，而且更有唔少人作炒賣，今日嘅風頭完全勁過StanleyKubrick。而即將推出的港版NIKEKubrick再次證明，Kubrick重係得。
記者、攝影：馮彥彰
Kubrick已成潮流Icon，人人都要一套，NIKE的香港版就以中田英壽、亨利及費高，相信唔少人想入貨。入手方法一共有兩種，較易的就是參加NIKE的3on3足球比賽，即有機會抽到一套（連盒），可以去www.nike.com.hk/football入門登記。而較難的方法，就是在31/５至30/6期間，去到馬拉松、銅鑼灣NIKE專門店或RSH各買滿$800即可換領一隻，但每間運動店分別換領唔同公仔：馬拉松只可換中田英壽，銅鑼灣NIKE專門店則只有費高，而RSH就只有亨利，而且是沒有盒的！計埋條數都要成$2,400先可以有齊一套，重係冇盒裝，呢點各FANS要注意了！
老實講，Kubrick出咗咁多套，唔係每一套的手工都可以，大部份都只係過得去。顏色髹出界，變形更是司空見慣，好在今次呢套Nike都算交足貨，顏色及各部位都做得唔錯，難怪日本版有人以暗盤價$4,000~$5,000蚊一套放在網上賣。相信香港版情形相同。