黃宏發個辦事處日前開張，八方去趁熱鬧，又見到民政署副署長雷潔玉；記得上周去「香港潮屬社團總會」就職禮，成個場都係着黑、灰西裝嘅嘉賓，一身橙色唐裝衫、金色褲襯金鞋嘅雷潔玉成功出位。
Grace雷同八方講，近兩年迷上唐裝衫，因為易襯又舒服。開始時買短袖衫，着着吓發覺原來好多唐裝衫都出得大場面，𠵱家着慣咗，出席隆重場合都必定着唐裝。咁Grace去開邊度入貨？會唔會係深圳羅湖城？Grace話自己鍾意用港貨，去慣去熟尖沙嘴名店城嘅唐裝舖，貪嗰度人流少，夠清靜可以慢慢揀。另外香港島嘅利源東、西街都係佢嘅入貨熱點。
﹙圖﹚民政署副署長雷潔玉近年迷上唐裝，因易襯又舒服。
E-mail：