踏入夏季，各種瓜類、生果身價大躍進，已經唔再係煲湯配料或伴碟小食咁簡單，齊齊變身菜式中的主角，蔡瀾美食坊亦乘勢推出一系列以不同瓜類和生果為主的菜式，款式創新與傳統兼備，今次先介紹其中四款，讓你先大飽眼褔。
記者：黃婉冰
攝影：伍慶泉
這餃以芒果、雞肉、蜜糖豆做餡算是獨一無二。芒果粒愈食愈開胃，雞柳和蜜糖豆可以平衡芒果的甜味。可選蒸餃，$35有10隻。
這款冬瓜大地魚水餃有齊傳統與新口味。消暑冬瓜粒，加入煎香的鯪魚肉鬆、冬菇、甘笋包餃，既惹味又清甜，味道一拍即合。
店名：春和樓餃子
電話：31522180
地址：紅磡黃埔花園第八期蔡瀾美食坊1樓109號舖
夏天一到茄子橫行，大大隻的最適宜用來做茄子船。茄子用滾油浸熟，開邊放上用酸甜汁炒香的蝦仁、榨菜、肉絲，酸甜汁加有梅子醬，酸酸甜甜，專為炎夏度身訂做。
家鄉傳統菜釀涼瓜，用原條涼瓜去核，釀入鯪魚肉、豬肉、冬菇粒、馬蹄粒，先走油，餡料與涼瓜黐得難捨難離，再燜個多小時，充滿家鄉風味。
店名：阿斗官
電話：31522166
地址：紅磡黃埔花園第八期蔡瀾美食坊1樓116號舖