新版RangeRover自廠方正式公布有關資料以來，即時惹來不少車迷關注；而最近外國方面又有消息傳出，謂越野路華廠方，正有意研製一款全新嘅四驅車，並用以抗衡寶馬X5等車款。
據該消息指出，呢部廠方編號為L320嘅新車，將會以五座位SportySUV形象出現，兼配備有一套出色嘅四驅系統，從而令新車形象更突出之餘，同時亦能有出眾嘅性能表現；而從預想圖中亦可以睇到，呢部新車嘅外形設計，大致上與現有新版RangeRover相同，但車身線條就來得較為圓渾，明顯變得更具吸引力。但由於新車仍在設計階段，故未有關於車廂配搭嘅確實資料。
而該消息又指出，廠方正研究為新車配用一台V6或V8引擎，以應付不同路面嘅需要，不過其確實配搭，相信要等到新車於2004年正式推出時，方能有進一步嘅資料喇。