中華國際（1064）本來喺廣州主力做地產，跟住又做大陸電子付款系統，隻股一直都話會有炒作，但直至上周五先見有多少鑊氣。經紀陳話，轉咗搞手先至有咁嘅陣容。
至於隻股無端端炒上為咩？經紀陳話，呢排流行批股集資，公司剛宣布業績，純利勁升兩倍，睇怕有好大機會。
近期一直喺30仙打橫行嘅中華國際，上周五一度炒上32.5仙，但被質返落30.5仙收市，微升1.7％，成交亦有成3216萬元。
公司剛剛公布2001年業績，純利上升2.16倍，賺3200萬元，但2000年賺1001萬元都有息派，去年竟然冇息派，真係難明。
經紀陳話，中華國際向來有一班人幫手睇住，但唔知係咪水緊嘅問題，所以一直都炒唔起，但近排聽講有間台資行願意幫手，所以情況當堂唔同晒，嗰間行近排幫人批股批成好幾單，但唔知今次成唔成。
慕容小初