謝霆鋒因負面新聞不絕，早前被內地的「第二屆陽光健康電視明星」評選活動踢出局，其女友張栢芝事業上亦同樣受打擊。內地的卡姿蘭時尚彩妝公司曾一度考慮找栢芝擔任化妝品代言人，但因栢芝負面新聞太多，結果該公司便決定飛起栢芝，改邀同屬環球歌手的黃伊汶頂替。
卡姿蘭總經理唐先生日前在廣州接受記者訪問時說：「我哋係有考慮過請張栢芝，但因為緋聞太多，我哋想搵個健康、活潑同亮麗嘅代言人，所以後尾就揀咗黃伊汶。」
而栢芝前晚突然出現電視城，為任賢齊錄影的《勁歌金曲》擔任嘉賓，其間栢芝說：「好奇怪㗎，個個男人喺我身邊都有緋聞，但小齊就冇。」她剛語畢，音響突告失靈，而栢芝之後未有接受訪問便匆匆離去。
此外，昨晚凌晨二時霆鋒在助手陪同下離開中環的band房往取車，在停車場門外，一名帶有酒氣的外籍男子主動與霆鋒握手，雙方在街頭以英語寒暄片刻。
採訪：朱芷瑩、楊潔雯
攝影：黃文成