賭王何鴻燊去完皇仁書院食小食後，噚日又去咗潑水，佢更專登着咗一套緬甸傳統民族服裝，非常搶眼。
問起早前去美國拉斯維加斯傾生意有否成果，燊哥話同另一賭牌得主永利傾過南灣湖幅地，賭王開價二十億，永利問畀股票得唔得。
賭王又話，股東等咗十年，以為今次可以收番多少錢，如果收股票咪一個仙都冇得收，好難同股東交代。佢話，永利今日或明日會去澳門，已經約好再傾。
至於有人話澳博接手賭場後，成績麻麻，賭王就否認，話生意多咗一成二，「都唔知幾好成績」。
﹙圖﹚何鴻燊昨穿上緬甸傳統民族服裝「沙龍」出席澳門緬甸潑水節活動。
E-mail：