工作講求專業，為紮職，唔少人都需要在其工作範圍內考取牌照，不過，即使取得「專業」資格，亦未必等於可以安逸下來。正如我們找到一名由基層做起，直至現在成為管理階層的Rita，便是藉着進修，補充自己不足，不但把握晉級機會，更邊學邊做，事半功倍。
記者：朱文俊
攝影：黃子偉
從事航空公司業務十多年的Rita，由櫃位服務員到今天成為荷蘭皇家航空公司的區域機場經理，手下有二十多名同事，主管香港、新加坡及國內機場櫃位，除了努力工作外，亦全靠她深明自我增值的重要性。「因為自己做咗航空公司咁耐，所需要嘅專業牌照都有，但當我喺95年出任機場經理一職時，就發覺自己在管理方面唔夠全面，所以就決定喺呢方面惡補一下，咁啱我又有朋友讀緊HKMA嘅管理進修文憑課程(DiplomainManagementStudies)，當時課程係同理工大學合辦，所以我報讀呢個Course。當時完全冇諗過，讀書可以令我升職，只係覺得讀咗書後，令我更加明白點樣去做一個好嘅員工，同埋點去做一個好嘅老闆。當時我已經需要接觸到管理層面，邊做邊學，令我感受更加深刻，所以我覺得非常有用，完成咗呢個Course，我立刻再報讀市場管理碩士課程。」
當Rita將所學到管理技巧應用到工作方面，工作表現亦同時獲得賞識。Rita回憶地說：「當時公司要喺上海建立一個新Counter（櫃位），就喺幾個StationManager中揀咗我去做開荒牛，當時我又已經開始讀緊第一個市場管理碩士課程，每個星期都要返香港上堂，三個多月就瘦咗十磅，不過因為當時所學一切，包括人力資源管理、財務管理等，都幫到我解決好多成立新Counter時遇到嘅問題，所以再辛苦都值得。最後我更加喺畢業時攞咗Prizeawardstrategymarketing（最佳市場策略獎項），開心到𠵱家重記得。2000年7月我就再讀多一個MBA（工商管理碩士課程），讀完個課程無耐，公司便升我為區域經理。當然，我唔會話因為我讀完MBA就升職，但喺繁重工作背後再要讀書，便需要十分努力，我想這方面，是現在任何公司都需要的動力。所以我同公司都研究緊，設計一啲管理課程畀各區StationManager修讀，希望可以做到培養及挽留人才。」
姓名：張玉卿（Rita）
職位：荷蘭皇家航空公司區域機場經理
進修歷程：
1996至1998年：管理進修文憑課程(HKMA)
1998至2000年：市場管理碩士課程(HKMA)
2000年7月至2001年7月：工商管理碩士課程(HKMA)
修讀對象：Rita認為DMS（管理進修文憑）等管理課程，最適合準備進入管理階層的人修讀。
DMS學費（最少修讀12科）：會員：每科$2,700 非會員：每科$2,860
查詢電話：27748504
網址：
院校：香港理工大學專業進修學院
課程名稱/編號：ExecutiveDiplomainManagementStudies(84007)企業主管管理學文憑(84008)
授課語言：英文(84007)、中文(84008)
修讀年期：1.5年
所需學分：24
學費：每學分$1,800
報名地點：九龍紅磡香港理工大學A座鍾士元樓5樓AG511室
查詢電話：27665388
截止報名日期：2002年5月25日
網址：
院校：香港科技大學持續進修學院
課程名稱：網上文理副學士及文理(商業)副學士
所需學分：90學分
學費：全期$71,100或$71,820
修讀年期：2至4年
查詢電話：23586123
截止報名日期：2002年6月8日
網址：
院校：香港中文大學校外進修學院
課程名稱/編號：人事管理與組織行為(021-8050)
修讀年期：此遙距課程共分15講，分四個月完成。
學費：全期$500
查詢電話：22090299
網址：