杜琪峰創辦的銀河映像，近年在影圈戰績彪炳，但在96年創立初期，因執着個人風格，令公司在低谷徘徊，至99年才想通了，轉型走商業路線，針對女性觀眾，終於在近年拍出數部叫好又叫座的電影，成功上位，成為現時最有票房保證的電影製作公司。 記者：范國忠
銀河在95年籌備期間，經濟欠佳，翻版猖獗，電影市道低迷。銀河映像主席杜琪峰選擇在那時成立電影製作公司，只有一個理想，是讓僵化的電影重現生機。他說：「嗰陣大家一窩蜂咁去拍某個題材，好似殺手片同埋賭片，搞銀河就係唔想太過重複之前行過嘅路……希望做啲qualitymovie（質素好的電影）。」
毫無疑問，杜琪峰及其拍檔在創業初期，拍了一批甚獲好評的電影，如《兩個只能活一個》、《暗花》、《真心英雄》及《非常突然》等，這些電影都能獲獎，而99年《鎗火》更為杜琪峰帶來兩項最佳導演的榮譽。可惜，這些電影叫好不叫座。
杜琪峰說：「作品始終好主觀、自私，有時會忘記咗觀眾。」99年，杜琪峰開始意識到電影是生活的一部份，始終是為了讓人觀看才出現，所以2000年開始出現的作品，都減低了個人風格，決定走商業電影的路線。杜琪峰選擇了女性觀眾喜愛的題材，結果《孤男寡女》、《瘦身男女》等都證明他這決定正確。
他說：「當年去日本放映《暗戰》及《鎗火》時，發現八成觀眾係女性。」他開始意識到現時看電影的人，其實以女性為主。「以前睇午夜場嗰班人已經消失晒，去咗買VCD……𠵱家睇戲嘅主要係女性觀眾、中產觀眾；同埋，𠵱家觀眾睇戲，都睇名牌電影，所以套戲要有A級嘅取向，如果唔係，會唔掂」。至於男性觀眾，他認為，現時男人看電影「無咁認真，無一個formula（公式）」，由於口味分散，所以結果可能是「一部得，一部唔得，計唔到」。
究竟如何掌握女性喜歡的題材。「要知道現時潮流是甚麼，要知道佢哋shopping緊乜嘢，睇緊乜嘢書。」他說：「公司有人經常出外了解，好似𠵱家歐美最好嘅電影係邊套，最賣得嘅書係邊本！」
雖然是商業導向，但銀河的策略仍保留一至兩成風格化電影。他相信只要控制成本得宜，這類電影亦會成功。「好似拍《鎗火》用咗250萬元，唔會死。」結果《鎗火》在本港票房收四百餘萬元，賺了錢。
杜琪峰說，現時銀河每年計劃拍6至8部電影，希望每年10部最賣座的電影中，有3部來自銀河，而其中1部可以做到3000萬至4000萬元票房。